హుజురాబాద్ లో ఎమ్మెల్సీ ఎన్నికల ప్రచారంలో పాల్గొన్న మల్కాజ్ గిరి పార్లమెంట్ సభ్యులు ఈటల రాజేందర్

హుజురాబాద్ లో ఎమ్మెల్సీ ఎన్నికల ప్రచారంలో పాల్గొన్న మల్కాజ్ గిరి పార్లమెంట్ సభ్యులు ఈటల రాజేందర్

కాంగ్రెస్ పార్టీకి భవిష్యత్తు లేదు.

బీఆర్ఎస్ ను నమ్మరు.

ఇద్దరినీ చూశాం ఈసారి బీజేపీకి అవకాశం ఇవ్వాలని ప్రజలు డిసైడ్ అయ్యారు: హుజురాబాద్

ఎమ్మెల్సీ అభ్యర్థులు కొమరయ్య, అంజిరెడ్డిలను గెలిపించమని కోరేందుకు మీ దగ్గరకు వచ్చా... ఈ గెలుపు రేపటి గెలుపుకు నాంది పలకాలని మల్కాజిగిరి ఎంపీ ఈటల రాజేందర్ అన్నారు. హుజురాబాద్ పట్టణంలోని మధువని గార్డెన్ లో మంగళవారం ఏర్పాటు చేసిన సమావేశంలో ఆయన ముఖ్యఅతిథిగా పాల్గొని మాట్లాడారు.

నాకు వచ్చిన అతికష్టకాలంలో నాకు అండగా నిలబడ్డది హుజురాబాద్ గడ్డ.

కన్నీళ్ళకు కరిగిపోయారో.. మోసపు మాటలకు కరిగిపోయారో అయిపోయింది.

జరిగింది జరిగిపోయింది.

జరిగింది మన మంచికే అనుకోవాలి.

అప్పట్లో హుజురాబాద్ పేరు చెప్తే మంచినీళ్ళిచ్చి గౌరవించారు.

ఇప్పుడు అట్ల ఎట్లా రాజేందర్ ను ఓడించారని దెప్పిపొడుస్తున్నారు. అది అనుభవించారు. ఇది భరించారు. స్థానిక సంస్థల ఎన్నికలలో మీ గెలుపు కోసం నేను వచ్చి ప్రచారం చేస్తాను.

హుజూరాబాద్ ప్రజలు నా మాట వింటారని నమ్మకం ఉందని అన్నారు. అనేక బాధలుంటాయి అన్నింటిని దిగమింగుకోవాలి.

దిగమింగుకొని అధిగమించిన వాడే ధీరుడు.

సమస్య వస్తే పారిపోయేవాడు లీడర్ కాదు.

రాజకీయాలు పూలబాట కాదు ముల్లబాట.

మన మీద జరుగుతున్న కుట్రలన్ని ప్రజల గమనిస్తున్నారు.

అన్ని చూసి ప్రజలు జడ్జిమెంట్ ఇస్తారన్నారు.

ప్రజల మీద సంపూర్ణ విశ్వాసం ఉండాలి.

వారితో కలిసి నడవాలి. వచ్చే ఎన్నికల్లో వార్డు మెంబర్ నుండి ప్రతి ప్రజాప్రతినిధిని గెలిపించుకునే బాధ్యత నాది. నా ఎన్నికలో ఎలా పనిచేస్తానో మీ ఎన్నికలకు కూడా అలానే పని చేస్త అని మీ అందరికీ తెలుసు అన్నారు. యువకులకు కూడా నామినేటెడ్ పదవులు ఇచ్చుకున్నాం.

నాట్ పాజిబుల్ అనేది నా డిక్షనరీలో లేదు. నా జీవితంలో హాలిడే అనే పదం లేదు. నా జీవితంలో మధ్యాహ్నం పూట పడుకున్నది లేదు. నా జీవితంలో జ్వరం వచ్చిందని సెలవు తీసుకున్నది లేదు. 365 రోజులు 24 గంటలు మిషన్ లెక్క పని చేసే మనిషిని. నన్ను నడిపిస్తున్నది, నాశక్తి, నా వయసు కాదు, ప్రజల స్ఫూర్తి.

ప్రజల అవసరం నన్ను నడిపిస్తుందన్నారు. మొన్న నన్ను గెలిపించిన మల్కాజ్గిరి ప్రజలను కూడా చూసుకునే బాధ్యత నా మీద ఉంది. సగం హైదరాబాద్ మల్కాజిగిరిలో ఉంటుంది. 29 రాష్ట్రాల ప్రజలు ఉండే మినీ ఇండియా మల్కాజ్గిరి. పేదవాళ్ళ అడ్డా కూడా అదే.

అనేక రకాల సవాళ్లు ఉన్నాయి. నేను పదేపదే రాలేకపోవచ్చు కానీ మీతోనే ఉంటానని అన్నారు. రేవంత్ రెడ్డికి దమ్ములేదు, కాంగ్రెస్ కు ముఖం లేదు ప్రజాక్షేత్రంలో సంపూర్ణంగా వెలిసిపోయిన పార్టీ కాంగ్రెస్.

కాంగ్రెస్ పార్టీకి భవిష్యత్తు లేదు.

కాంగ్రెస్ కార్యకర్తలే రేవంత్ రెడ్డే మా చివరి సిఎం అనుకుంటున్నారు. సీఎం సభ పెడితే సమస్యలు పరిష్కరిస్తామని హామీ ఇస్తారనుకుంటాం.

కానీ 317 జీవో సవరిస్తా అనో,

ఐదు డి.ఏ లు విడుదల చేస్తామనో,

హెల్త్ కార్డులు ఎప్పటిలోగా ఇస్తారు అనే స్పష్టతనో, సిపిఎస్ రద్దు గురించో చెప్తాడని భావించాము..

కానీ ఏ ఒక్క హామీ కూడా ఇవ్వలేదన్నారు. రిటైర్డ్ అయితే ఉద్యోగికి రావాల్సిన బెనిఫిట్స్ కోసం ఎనిమిది శాతం లంచం ఇవ్వాల్సిన దుస్థితి వచ్చిందన్నారు. వీటి గురించి మాట్లాడే దమ్ము రేవంత్ రెడ్డికి లేదు. టీచర్ ఎమ్మెల్సీగా పలానా అభ్యర్థికి ఓటు వేయాలని కోరే ముఖం కాంగ్రెస్ కు లేదు. బిఆర్ఎస్ కి అభ్యర్థి లేడు. కేజీబీవీ టీచర్ల బాధలు, నాన్ టీచింగ్ స్టాఫ్ సమస్యలు, మోడల్ స్కూల్ ఉద్యోగులకు కనీసం హెల్త్ కార్డు లేకపోవడం అనేక సమస్యలున్నాయి.

ప్రైవేట్ కాలేజీలలో స్కూళ్లలో ప్రభుత్వం ఇవ్వాల్సిన ఫీజు రియంబర్స్మెంట్ను 2021 నుంచి పెండింగ్లో పెట్టింది. డబ్బులు ఇవ్వమని సిఎం దగ్గరికి పోతే.. సెటిల్మెంట్ చేసుకుందామంటూ జోకులు వేస్తున్నారని మండిపడ్డారు.

ప్రైవేట్ కళాశాలల వారు కన్నీళ్లు పెడుతున్నారు.

అధ్యాపకులకు జీతాలు ఇచ్చే పరిస్థితి కూడా లేదు. పెనం మీద నుంచి పొయ్యిలో పడ్డమని కన్నీళ్లు పెడుతున్న పరిస్థితిని రాష్ట్రంలో చూస్తున్నాం అని ఆవేదన వ్యక్తం చేశారు. టీచర్ల, గ్రాడ్యుయేట్ల సమస్యల మీద కొట్లాడిన ఏకైక పార్టీ భారతీయ జనతా పార్టీ అని చెప్పారు. ఈ ప్రభుత్వం మీద అంకుశంతో పొడిచి మేల్కొల్పే సత్తా ఉన్న పార్టీ బిజెపి ఒక్కటే అని అన్నారు. 15 నెలలుగా ఆర్టీసీ బస్సులో మహిళలకు ఉచిత ప్రయాణం తప్ప ఏ ఒక్క హామీని కూడా సంపూర్ణంగా అమలు చేయలేదు.

ఆర్ గ్యారంటీలు, 66 హామీలు, 420 రకాల పనులు చేస్తానంటూ..

మాటల గారడీ చేసి గెలిచారు.

అమెరికాలో రేవంత్ రెడ్డి ఒక మాట చెప్పారు..

ప్రజలు ఎప్పుడు కూడా నిజాన్ని నమ్మరు... అబద్ధాలే ఇష్టపడతారు.

అబద్ధాలు ఆడి నేను ముఖ్యమంత్రి కాదల్చుకున్న అని చెప్పి మరి అయ్యాడు. ఐదేళ్లు ఒక ఎమ్మెల్యే పదవి, ఒక ఎంపీ పదవి సక్కగా చేయకపోతివి..

ఒకసారి మంత్రి కాకపోతివి..

ఇన్ని హామీలు ఇస్తున్నవు ఎలా సాధ్యమైతది అని ప్రశ్నించినప్పుడు..

నీకేం ఎరుక అన్నాడు.

ఈ హామీలు అమలు కావు అని చెప్పినా.. జనం కూడా పట్టించుకోలేదు.

ఇప్పుడు వారంతా అయ్యో అయ్యో అని బాధపడుతున్నారని అన్నారు. నిరుద్యోగ యువతకి ఉపాధి కల్పించడానికి నాలుగు లక్షల కోట్ల రూపాయలు 2024-25 కేంద్ర బడ్జెట్లో పెట్టారు. గంభీరమైన సమస్యను గుర్తించిన నాయకుడు నరేంద్ర మోడీ.

యువత చెడు మార్గాలు పట్టకుండా కాపాడాల్సిన బాధ్యత కూడా ప్రభుత్వం మీదనే ఉందని గుర్తించిన నేత నరేంద్ర మోడీ అన్నారు. యువకుల్లారా నేను ఒక్కటే అప్పీల్ చేస్తున్నాను...

మీరు అనేక మందిని చూశారు.. వారు చేసిందేంటో చూశారు.

అక్కడ మీకోసం తపించే ప్రభుత్వం నరేంద్ర మోడీ ప్రభుత్వం.

ఇక్కడ మీకోసం కొట్లాడ గలిగే శక్తి ఉన్న పార్టీ బిజెపి. 12 లక్షల రూపాయల ఇన్కమ్ టాక్స్ రాయితీ కల్పించి మధ్యతరగతి ఉద్యోగులకు లాభం చేసేలా చేసింది కేంద్ర ప్రభుత్వం. మీకోసం ఆలోచిస్తున్న బిజెపి గురించి ఆలోచించండని టీచర్లను కోరుతున్నానన్నారు. కెసిఆర్ కి అవకాశం ఇచ్చాము..

రేవంత్ రెడ్డికి అవకాశం ఇచ్చాము..

ఇక ఈసారి అవకాశం బీజేపీకి అని ప్రజలంతా అంటున్నారు. ఈ రాష్ట్రం సుభిక్షంగా ఉండాలంటే..

ఆర్థికంగా ఎదగాలంటే..

నిరుద్యోగ సమస్య పరిష్కారం కావాలంటే..

ఉపాది కల్పన జరగాలంటే..

సమగ్ర అభివృద్ధి జరగాలంటే నరేంద్ర మోడీ అండదండలతో బిజెపి ప్రభుత్వం కొలువు తీరాలి అని బలంగా నమ్ముతున్నారన్నారు. బిజెపి ఎక్కడ ఉంది అని అడిగిన వారికి హుజురాబాద్లో లక్షా ఏడు వేల మెజారిటీ ఇచ్చి గెలిపించారు. పార్లమెంట్ ఎన్నికల్లో 35 శాతం ఓట్లు వేసి 8 సీట్లు గెలిపించి బిజెపిని అజేయంగా నిలిపించారు. ఈ 15 నెలలుగా ప్రజల సమస్యల మీద కోట్లాడుతున్న ఏకైక పార్టీ భారతీయ జనతా పార్టీ అన్నారు. హైడ్రా, మూసి, లగ్గిచర్ల, పేదల భూములు గుంజుకుంటున్న ప్రతి సందర్భంలో వారికి అండగా నిలబడింది బిజెపి. ఈ ప్రభుత్వం మోసం చేసే ప్రభుత్వం, ద్రోహం చేసే ప్రభుత్వం, అబద్ధాల పునాదుల మీద రాజ్యమేలాలని చూస్తున్న ప్రభుత్వం.

దీనిని సరైన పద్ధతిలో పెట్టాలంటే ప్రశ్నించే బిజెపి ప్రజా ప్రతినిధులతోనే సాధ్యం. ఇది చారిత్రాత్మక సందర్భం.

ఇంకా 36 గంటల సమయం ఉంది. ప్రతి ఒక్కరూ బాధ్యతగా బిజెపికి బలపరిచిన అభ్యర్థులకు ఓట్లు వేయించాలని విజ్ఞప్తి చేశారు.