స్టేట్ ఐదవ ర్యాంక్ సాధించిన సెయింట్ జోసెఫ్ స్కూల్ విద్యార్థిని

స్టేట్ ఐదవ ర్యాంక్ సాధించిన సెయింట్ జోసెఫ్ స్కూల్ విద్యార్థిని

రాష్ట్ర వ్యాప్తంగా పలు పాఠశాలల్లో 7వ తరగతి నుండి 10వ తరగతి వరకు విద్యార్థులకు ఎయిమ్స్ ఒలంపియాడ్ హంట్ వారు మూడు లెవల్ లో నిర్వహించిన ప్రామాణిక పరీక్షల్లో పోటీపడి జమ్మికుంట పట్టణంలోని సెయింట్ జోసెఫ్ స్కూల్ కు చెందిన 8వ తరగతి విద్యార్థిని నిహా తన్నజ్ స్టేట్ 5వ ర్యాంక్ సాధించింది. ఇదే పాఠశాలకు చెందిన 7వ తరగతి విద్యార్థిని కే.విశ్వశ్రీ జోనల్ లెవల్ లో 9వ ర్యాంక్ సాధించింది. ఎయిమ్స్ ఒలంపియాడ్ హంట్ ఫైనల్ విన్నర్లుగా నిలిచిన వీరికి ఆదివారం హైదరాబాద్ రవీంద్రభారతిలో ఘనంగా సన్మానించి ప్రశంసా పత్రాలను అందజేశారు. ఈ కార్యక్రమంలో ముఖ్య అతిథిలుగా ప్రముఖ మోటివేషనల్ స్పీకర్ కడియాల ప్రభాకర్ రావు, గుడ్ షెఫర్డ్ అండ్ యూనిక్ చిల్డ్రన్ కేర్ వ్యవస్థాపకులు ఎండి ఖలీముల్లాఖాన్ పాల్గొని విద్యార్థులను సన్మానించారు. ఈ సందర్భంగా వారు మాట్లాడుతూ, రాబోయే రోజుల్లో క్రమశిక్షణ పాటిస్తూ ఇష్టపడి చదవి మీ తల్లిదండ్రులకు, గురువులకు మంచి పేరు తీసుకవచ్చి ఉన్నత స్థానంలో ఉండాలని సూచించారు. ఈ సందర్భంగా సెయింట్ జోసెఫ్ స్కూల్ కరస్పాండెంట్ వై సునీల్, ప్రిన్సిపాల్ వేణుగోపాల్, ఉపాధ్యాయులువీరికి శుభాకాంక్షలు తెలిపారు.